Еуроодаққа мүше 27 елдің басшылары екі күндік саммитте бас қосады. Саммитке қатысушылар дәстүрлі түрде Еуропарламент төрағасы Роберта Мецоламен пікір алмасады. Сонымен қатар саммиттің бірінші күні Еуроодақ басшылары НАТО бас хатшысы Йенс Столтенбергпен кездеседі.
Еуропалық кеңестің баспасөз қызметінің хабарлауынша, Брюссельде Еуроодақ басшылары Украинаға материалдық көмек көрсету, еуропалық экономика, қауіпсіздік және қорғаныс, миграцияны реттеу, Қытай және басқа да мемлекеттермен қарым-қатынас мәселелеріне назар аударады.
