Қоғам • 02 Шілде, 2023

Қайрат Боранбаевқа қатысты шыққан сот үкімінің күші жойылды

429 рет
көрсетілді
2 мин
оқу үшін

Астана қалалық сотының қылмыстық істер жөніндегі сот алқасы биылғы жылдың 31 наурызында Қайрат Боранбаевқа қатысты үкімнің күшін жойды, деп хабарлайды Egemen.kz.
 

Қайрат Боранбаевқа қатысты шыққан сот үкімінің күші жойылды

Сот Қайрат Боранбаевқа, Роман Нахановқа және Тайыр Жанұзаққа қатысты 2023 жылдың 31 наурызында шыққан сот үкімнің күшін жойды. Оған себеп -  «ҚазТрансГаз» АҚ ұсынған газ бағасы туралы Ресей тарапындағы бастапқы деректердің болмауы.

Бағадағы айырма газ бағасын көтеру түріндегі қылмыс ретінде қарастырылды.

Алайда бұл хаттаманың түпнұсқасы жоқ екендігі нақтыланады. Сот алқасы «ҚазТрансГаз» қызметкерлерінің хат-хабарларынан алынған электрондық көшірмені түпнұсқаның болмауына байланысты жеткілікті дәлел ретінде санамады.

Сот хаттамасында алаяқтық схемасын дәлелдейтін дәлелдер жоқ делінген.

«Күмәнді хаттамада газды Ресей территориясынан Қазақстанның Қытаймен шектескен шекарасына дейін тасымалдау бағасы енгізілгені туралы ешқандай дәлел жоқ, газ транзиті үшін шамамен 57 долларды кім төлейтіні де белгісіз. "Азия Газчунджа" жеткізушісінің тәуекелдеріне сүйене отырып, керісінше, ҚазТрансГаз шамамен 130 млн доллар табыс тапқан. Несонов, Сүлейманов және Мұхамеджанов куәлік ете отырып, бұл мәміленің тиімділігін растады», делінген хабарламада.

Мұндай жағдайларда сот үкімінің күші жоюға жатады, ал қылмыстық іс алқалы құрамдағы бірінші сатыдағы соттың қағидалары бойынша апелляциялық сатыдағы соттың қарауына жатады.

Сотталғандар мен олардың қорғаушыларының апелляциялық шағымдары ішінара қанағаттандырылды.

Боранбаев пен Нахановты қамауда ұстау түріндегі бұлтартпау шарасы өзгеріссіз қалды, ал үйқамақтағы Жанұзақ дереу сот залында қамауға алынды.

2022 жылдың 26 желтоқсанында Қаржылық мониторинг агенттігі айыптау бойынша қозғалған қылмыстық істі тергеуді аяқтады. Айыпталушылар сұйытылған мұнай газын сатып алу және қылмыстық жолмен алынған ақшалай қаражатты заңдастыру кезінде 14,5 млрд теңге жымқырды деген күдікпен ұсталды.

Қайрат Боранбаев пен «Азия Газчунджа» ЖШС-нің негізін қалаушылардың бірі Роман Нахановқа сеніп тапсырылған бөтеннің мүлкін жымқыру және иелену, заңсыз ақша мен мүлікті заңдастыру және қылмыстарға жәрдемдесу бойынша айып тағылды.

2023 жылы 14 наурызда сот айыптау актісін өзгертуге қосымша уақыт бөлуді сұраған мемлекеттік айыптаушының өтініші бойынша Қайрат Боранбаевтың ісіне қатысты тараптардың жарыссөздерін кейінге қалдырды.

28 наурызда прокурор Қайрат Боранбаевқа мүлкін тәркілей отырып, сегіз жылға бас бостандығынан айыруды сұраған еді.