Қоғам • 14 Шілде, 2023

Риддер ЖЭО-ның жаңа иесі барлық қарызды өз есебінен жабады

250 рет
көрсетілді
1 мин
оқу үшін

14 шілдеде ҚР Энергетика министрі Алмасадам Сәтқалиев Шығыс Қазақстан облысына барып, Риддер ЖЭО-ның жаңа иесімен кездесті, деп хабарлайды Egemen.kz.

Риддер ЖЭО-ның жаңа иесі барлық қарызды өз есебінен жабады

«Риддер ЖЭО-ның жаңа иесі Әміржан Нәбиев барлық қарызды өз қаражаты есебінен жабуға уәде берді», деп хабарлады ҚР Энергетика министрлігінің баспасөз қызметі.

Ведомствоның мәліметінше, бүгінде Риддер ЖЭО-ның жалпы қарызы - 5,5 млрд теңге.

«Министрлік тарапынан біз де қарыз мәселесін бақылауға аламыз», деді Алмасадам Сәтқалиев.

Энергетика министрі Риддер ЖЭО-дағы жөндеу науқанының барысына егжей-тегжейлі тоқталды.

Қаржы министрлігімен және облыс әкімдігімен бірлесіп, үкімет резервінен қаражат бөлу тетігі әзірленді. Жобалық-сметалық құжаттамаға мемлекеттік сараптама алынды. Жөндеудің жалпы сомасы 8,3 млрд теңге болды. Риддер ЖЭО-дағы жөндеуге сегіз мердігер ұйым жұмылдырылды.

ҚР Энергетика министрлігінің мәліметінше, Риддер ЖЭО-дағы жұмысты жылу беру маусымы басталғанға дейін кесте бойынша аяқтау жоспарланып отыр.

18 маусымда Шығыс Қазақстан облысының әкімі Ермек Көшербаев облыс бойынша алғашқы сапарын өңірдегі маңызды нысандардың бірі – «Риддер ЖЭО» АҚ-да бастап, жылу басқармасымен кеңес өткізді.

Соңғы жаңалықтар

Білім бәйгесінің берендері

Білім • Бүгін, 08:33

Менің Әуезовім

Зерде • Бүгін, 08:30

Пушкин Құранды жетік білген

Әдебиет • Бүгін, 08:27

Даланың дарабоз ақыны

Әдебиет • Бүгін, 08:25

Қола дәуірінің қолтаңбасы

Ғылым • Бүгін, 08:22

Тіл білімінің абызы

Ғылым • Бүгін, 08:20