Қоғам • 19 Шілде, 2023

Алматыда атыс болып, бір адам көз жұмды

415 рет
көрсетілді
1 мин
оқу үшін

19 шілдеде фитнес жаттықтырушысы Дамир Төребаев атыс қаруынан көз жұмды, деп хабарлайды Egemen.kz.

Алматыда атыс болып, бір адам көз жұмды

Әлеуметтік желіде 19 шілдеге қараған түні Fitness Blitz клубының фитнес жаттықтырушысы Дамир Төребаев өз пәтерінде көз жұмғаны туралы ақпарат тарады. Алдын ала мәлімет бойынша, біреулер оны атып кеткен.

Полицейлер бұл ақпаратқа қатысты мәлімдеме жасады.

«Алматы қаласы Наурызбай ауданы ҚР Қылмыстық кодексінің 99-бабының 1-бөлігі бойынша қылмыстық іс қозғалып, тергеу амалдары жүргізіліп жатыр. Тергеу-жедел тобы құрылды. Күдіктілер анықталды, оларды ұстау шаралары жүргізіліп жатыр», делінген хабарламада.

Анықталғандай, марқұм достарымен жанжалдасып қалған.