Университет • 20 Шілде, 2023

Озық университеттер қатарында

247 рет
көрсетілді
6 мин
оқу үшін

Өткен оқу жылы Д.Серік­баев атындағы Шығыс Қазақстан техникалық уни­верситеті үшін жетістікке толы болды. Бірін­шіден, алғаш рет Ұлы­британияның QS агенттігі рейтингіне еніп, лайықты нәтиже көрсетті. Бұл туралы баспасөз конференциясында оқу орын ректоры Сәуле Рахметуллина айтып берді.

Озық университеттер қатарында

Халықаралық аудит қорытын­дысы бойынша университет алғаш рет жоғары бағаға ие болды. «QS Stars» халықаралық рей­тингінде жоғары оқу орнына «4 жұлдыз» тағайындалған. Бұл рейтинг университетті 50 түрлі көр­сет­кіш бойынша бағалай­ды екен. Сонымен қатар ШҚТУ оқы­ту, жұмысқа орналастыру, тұ­рақты даму санаттары бойынша «өте жақсы» деген баға алды.

Бұдан бөлек, университет алғаш рет «The Times Higher Educa­tion Impact» рейтингіне әлем­дік деңгейдегі 850 үздіктер қата­рына, Қазақстан бойынша үз­дік екі университет қатары­на кірді. Жылдың тағы бір табысы Д.Серікбаев атындағы ШҚТУ CDIO (conceive, design, im­ple­ment, operate) бастамасының ОА-дағы бірінші толыққанды мү­шесі болып қабылданды. Бұл – MIT бастамашы болып отыр­ған тәжірибеге бағдарланған кадр­ларды даярлау стандартта­ры. Қазір осының негізінде ин­женерлік білім беру­дің ұлттық мо­делі әзірленіп жатыр.

Иә, университет халықаралық стандарттар бойынша дамып к­еледі. Биыл қаңтарда 12 білім беру бағдарламасы Германияның ASIIN агенттігінде халықаралық ак­кредиттеуден өтіп, халық­ара­лық деңгейде сапасын растады.

ЖОО-да 13 білім беру бағ­дар­­­­ла­масы ағылшын тілінде жүр­гі­­­зіледі. 2023 жылдың шіл­де­­сінен бастап ШҚТУ IDP IELTS Kazakhstan емтихан орта­лы­ғы­ның ресми аккредиттелген се­рік­тесі атанып, барлық ті­лек біл­дірушілерге ағылшын тілі­ дең­гейін ресми растауға мүм­кін­дік­ береді.

Оқу орнының он ғалымы Американың, Ұлыбританияның, Ре­сейдің, Түркияның жоғары оқу орындарында «Болашақ» бағдарламасы бойынша ғылыми тағылымдамадан өтті.

– Ғалымдарымыз шетелде бі­лімдерін арттырып жатыр. Жал­пы, 2022-2023 жылғы оқу жылында ШҚТУ-да 12 мемлекеттен шақырылған 48 ғалым жұмыс іс­теді. Студенттеріміз негізгі ин­же­нерлік біліктіліктің 1-курсын тәмамдаған соң, 651 студент бакалавриат дәрежесін алды. Жастарымызға тәжірибесімен бөлісіп, оқытуда Huawei, Amazon сияқты компаниялар тартылады, – дейді университет ректоры Сәуле Жәдігерқызы.

Есепті кезеңде университет open EDX жеке платформасында 21 онлайн курс әзірледі. 2023 жылы ШҚТУ әлемдегі озық университеттер курстарында шексіз білім алу үшін «Coursera»-ға 500 лицензия алды.

Айтқандай, «ІROS – зерттеу құзыреттері» жобасы әзір­ле­ніп, бұл оқу курстарына нақ­ты кезеңдер кейсі, зерттеу әдіс­тері, жобалық және проб­ле­малық-бағдарланған оқыту, эмпирикалық зерттеулер, бі­лім алушылардың зерттеу құзы­реттерін қалыптастыруға мүм­кін­дік беретін академиялық жазу ережелері кіреді.

Коммерцияландыру эко­жү­йе­сі жасалды. «Bi ANGAR» биз­­нес-инкубаторы құрылды. Тех­нологияларды коммерциялан­дыру кеңсесі ашылды. Астана ха­бымен және ШҚО әкімдігі­мен бірлесіп, It хаб жұмысын бас­тады. Ғылыми зерттеу жұмыс­та­ры да нәтижелі болды. Жал­пы, 2022-2023 оқу жылында 200 жоба іске асырылды. Оның 181-і кәсіпорындардың тапсырысы бо­йынша, 3 БНҚ, 16 гранттық. Ғылым бюджеті де өсті. ШҚТУ басылымдарының дәйексөздері молайды. Университет барлық жос­парларды сәтті жүзеге асырып, жоғары нәтижелерге, ха­лық­аралық танымалдыққа қол жеткізді.

Жағымды жаңалықтардың бірі – Д.Серікбаев атындағы ШҚТУ ха­лықаралық ынтымақ­тастықты дамыту мақсатында Тяньцзинь университетімен бірлесіп, Қа­зақстанда Лу Бань шеберханасын ашады. Мұндай шеберханалар әлемнің 20 елінде ашылған. Жобаны аяқтау және Лу Бань шеберханасын ашу 2023 жылдың қазан айында жоспарланған.

Шетелмен тығыз байланыс­та жұмыс істесіп келе жатқан ШҚТУ базасында металлургия және пайдалы қазбаларды өн­діру саласындағы қазақстан-не­міс ғылым және технология­лар инс­титуты құрылып жатыр. Бұл туралы екі елдің Президен­ті Қасым-Жомарт Тоқаев пен Франк-Вальтер Штайнмаердің қатысуымен өткен Қазақстан – Германия университеттерінің форумы шеңберінде келісімге қол қойылды. Мемлекет бас­шы­сының тапсырмасымен жүзеге асырылып жатқан тағы бір жо­ба – ШҚТУ базасында тау-кен ме­т­ал­лургия саласындағы акаде­мия­лық артықшылық орталығын құру көзделген.

Сондай-ақ аталған оқу орын Сәтпаев университетімен бір­ге пилоттық режімде Цифрлық уни­верситет жобасын іске асыру үшін таңдалды. Жоба мақсаты – цифрлық университеттің эта­лондық моделін құру және оны еліміздің университеттеріне одан әрі тарату.

Д.Серікбаев атындағы ШҚТУ ректоры Сәуле Рахметуллина­ның айтуынша, білімін ғылым­мен байланыстыратын түлек­тер бір жылда он докторлық диссертация қорғап, бұл айту­лы жетістік деп танылды. Себебі ғылыми зерттеулерге де жіті мән берілетін жоғары оқу орны­ның жастары болашақта ауыл ша­руашылығынан бастап, түрлі салаға өзгерістер әкелетін жобалар ойлап табады.

– Smart Engineering орталы­ғы­ның меңгерушісі тұқым сепкі­нің сұлбасын анықтап, әзірлеп ­жатыр. Ол дайын болған жағ­дай­да егістік алқабына апарып, тыңайтқыш ретінде қолдана­ды. Бұл жерде тыңайтқыштың то­лықтай дақылдың тамырына ба­ратынын ескерген жөн. Об­лыс­та майлы дақыл егістігі өр­леп тұрғандықтан, университет ға­лымдары әзірлеп жатқан тұқым сеп­кі оң жаңалық әкеледі деуге болады. Күзде тәжірибеден өт­кізу жоспарда бар, – деді ректор С.Рахметуллина.