Қоғам • 24 Шілде, 2023

Алматыда жалған купюраларды сатуды көздеген қылмыстық топ ұсталды

215 рет
көрсетілді
1 мин
оқу үшін

Алматыда бір топ жеке тұлғалар криптовалюталарды сатып алу желеуімен жалпы сомасы 20 300 АҚШ доллары болатын жалған 100 долларлық купюраларды сатуды көздеген, деп хабарлайды Egemen.kz Қаржы мониторинг агенттігінің баспасөз қызметіне сілтеме жасап.

Алматыда жалған купюраларды сатуды көздеген қылмыстық топ ұсталды

ҚМА баспасөз қызметі берген ақпаратқа сәйкес, сақтау және сатуға әрекет жасау фактісін ҚМА Алматы қаласы бойынша департаментінің қызметкерлері анықтады.

Көлік құралын тексеру барысында ұсталғандардың бірінен 3 дана жасанды 100 АҚШ доллары қолма-қол ақша табылып, тәркіленді.

«Мамандардың қорытындысына сәйкес, зерттеуге ұсынылған 2006 және 2017 жылғы үлгідегі жалпы сомасы 20 600 долларын құрайтын банкноттар АҚШ Федералдық резервтік банкі шығарған банкноттарға сәйкес келмейді», деп хабарлады ведомствоның баспасөз қызметі.

Қазіргі уақытта сотқа дейінгі тергеу амалдары басталып, күдіктілерге қатысты қамау түріндегі бұлтартпау шарасы санкцияланды.

ҚР Конституциясының 77-бабының 3-тармағының 1-тармақшасына және ҚР Қылмыстық-процестік кодексінің 19-бабының 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әркім кінәсіз деп есептеледі.