Қоғам • 26 Шілде, 2023

Алматыда Сайын көшесіндегі жөндеу қашан аяқталатыны белгілі болды

171 рет
көрсетілді
1 мин
оқу үшін

Алматы әкімі Ерболат Досаев Сайын көшесіндегі жол құрылысы қашан аяқталатынын айтты, деп хабарлайды Egemen.kz.

Алматыда Сайын көшесіндегі жөндеу қашан аяқталатыны белгілі болды

Бұл туралы әкім 26 шілдеде Алатау өңірінің тұрғындарымен кездесуінде мәлімдеді.

«Сайын көшесіндегі өткел туралы: биыл жыл соңына дейін көлік қозғалысын ашу жоспарланып отыр. Сонымен қатар 2023 жылдың соңына дейін Мөңке би мен Ақын Сара көшелерінің қиылысында барлық бағыттағы көлік қозғалысын ашу жоспарланып отыр», деді әкім.

Жалпы биыл шілде айында ұзындығы 60 шақырым болатын 63 көшені қамтитын 12 шағын ауданда орташа жөндеу басталды. Бұл жұмыс қараша айында аяқталады деп болжанды.

Қазір Алғабас, Қарасу ықшамаудандары мен Сайын көшесінің бойында, Мөңке би мен БАҚ бойындағы көшеде жол жөнделіп жатыр.