Бірнеше ай бойы еліміздің әр аймағынан іріктеліп, жүзден жүйрік шыққан футболшылар өткен сенбіде «Астана Арена» стадионында «QJ league» құрамасымен жолдастық матч өткізді. Кездесуге футболдан әлем чемпионаттарында ең көп матчта жұмыс істеген өзбекстандық Равшан Ирматов төрелік жасады.
Жас футболшылар арасында өткен аса тартысты кездесуде «QJ league» жігіттері 6:1 есебімен жеңіске жетті. Айта кетейік, «Super Bol» жобасы – DARA президенттік бастамалар қорының және Freedom Holding Corp жобасының басшысы Тимур Турловтың қолдауымен қолға алынған бірегей жоба.
