Мектеп • 03 Қыркүйек, 2023

Көкшетау қаласының шағын ауданында жаңа мектеп ашылды

229 рет
көрсетілді
1 мин
оқу үшін

Білім күні Көкшетау қаласының «Құлагер» шағын ауданында 312 оқушы орнына арналған жаңа мектеп ашылды. Жаңа оқу жылында аталған жаңа мектепте барлығы 538 оқушы білім алады, деп жазады Egemen.kz.

Көкшетау қаласының шағын ауданында жаңа мектеп ашылды

Фото: Ақмола облысы әкімдігі

Салтанатты іс-шараға Көкшетау қаласының әкімі Бауыржан Ғайса, қалалық мәслихаттың төрағасы Дастан Әкімов, педагогикалық еңбек ардагері Күләш Темірбаева, ата-аналар қауымдастығының өкілі Сәрсенбай Сердалин қатысып, көкшетаулықтарды Білім күнімен және №9 мектептің ашылуымен құттықтады. Сондай-ақ білім беру мекемесіне облыс орталығы әкімінің атынан домбыра тарту етілді. 

45 пән кабинеті, спорт залы, асханасы, медициналық кабинеті, шағын орталығы бар. Жалпы білім беретін мекеме ішін аралауға экскурсия ұйымдастырылды.

Айта кетсек, жалпы Ақмола облысында білім күні жаңадан 5 мектептің салтанатты ашылуы өтті, ал тағы 8 білім беру мекемесін жыл соңына дейін пайдалануға беру жоспарланып отыр.