Президент • 09 Қыркүйек, 2023

Мемлекет басшысы Тәжікстан Президентіне құттықтау жеделхатын жолдады

185 рет
көрсетілді
1 мин
оқу үшін

Президент Қасым-Жомарт Тоқаев  Тәжікстан Президенті Эмомали Рахмонды және тәжік халқын  ұлттық мерекесі – Тәуелсіздік күнімен құттықтады, деп хабарлайды Egemen.kz Ақорданың баспасөз қызметіне сілтеме жасап.

Мемлекет басшысы Тәжікстан Президентіне құттықтау жеделхатын жолдады

Фото: akorda.kz

– Қазақстан мен Тәжікстан арасындағы жоғары қарқынмен дамып келе жатқан ынтымақтастық жаңа мән-мазмұнға ие болды және байланыстарымыз стратегиялық серіктестік пен одақтастық деңгейіне толық сай келеді, – деп жазылған жеделхатта.

Президент бірлескен күш-жігердің нәтижесінде Қазақстан мен Тәжікстанның көпжақты қарым-қатынасы алдағы уақытта екі елдің игілігі мен мүддесі үшін нығая беретініне сенім білдірді.

Сондай-ақ Қасым-Жомарт Тоқаев Эмомали Рахмонның жауапты мемлекеттік қызметіне табыс, ал бауырлас Тәжікстан халқына бақ-береке тіледі.