Қоғам • 14 Қыркүйек, 2023

Қазақстанда «Камызяки» тобының концерті өтпейтін болды

259 рет
көрсетілді
1 мин
оқу үшін

Ресейдің «Камызяки» тобының Қазақстандағы концерті өтпейтін болды. Бұл туралы концерт ұйымдастырушылары хабарлады, деп жазады Egemen.kz.

Қазақстанда «Камызяки» тобының концерті өтпейтін болды

Фото: ticketon.kz

Жақында «Камызяки» тобының Донбасстағы концертте соғысты қолдап ән шырқағаны желіде кең тарады. Бұдан соң Қазақстанда ресейлік әзілкештердің концерт өткізуіне тыйым салуды талап еткендер көбейді. 

«Концерт ұйымдастырушылары қоғамда резонанс тудырған мәселеге қатысты «Камызяки» тобының Қазақстанда өтетін концерттерін өткізбеу туралы шешім қабылдады», деп хабарлады Vi Project агенттігі Instagram парақшасында.

Ұйымдастырушылар билеттерді қайтару үшін сатып алған операторларға хабарласуды ұсынды.