Фото: Olympic.kz
Күндізгі сессияда отандасымыз Асланбек Шымбергенов 71 келіге дейінгі салмақ бойынша жартылай финалда жапондық Севон Окадзавамен шаршы алаңға шығады. Жекпе-жек Астана уақытымен 14:15-те басталады.
Ал кешкі сессияда тағы бір боксшымыз Қамшыбек Қоңқабаев 92 келіден жоғары салмақтағы жартылай финалда үндістандық Нарендермен жұдырықтасады. Матч Астана уақытымен сағат 19:00-де басталады.
Қазақ боксшыларының жекпе-жектерін спорт жанкүйерлері тікелей трансляцияда Qazsport телеарнасынан тамашалай алады.
Айта кетейік, Азия ойындарының финалына шығу Асланбек Шымбергенов пен Қамшыбек Қоңқабаевқа 2024 жылы Парижде (Франция) өтетін Олимпиада ойындарына қатысу лицензиясына автоматты түрде кепілдік береді.
Азия ойындарының бокстан ерлер арасындағы турнирінде барлық салмақ дәрежесінде финалға шыққандар Олимпиада лицензиясын алады.
