Ел астанасындағы додада Қазақстанның былғары қолғап шеберлерінен бөлек, Өзбекстан, қытайлық Тайпей, Жапония, Филиппин, Гонконг, Корея, Моңғолия, Иран, Қырғызстан, Үндістан, Вьетнам, Таиланд, Біріккен Араб Әмірліктері, Тәжікстан, Түрікменстан, Палестина, Пәкістан, Йемен, Ирак, Иордания, Кувейт, Малайзия сияқты мемлекеттің өкілдері де Азия чемпионы атағына таласып көреді.
Жекпе-жек олимпиадалық жүйе бойынша өтеді. Ұлдар 13 салмақ дәрежесінде (46-48 кг, 51 кг, 54 кг, 57 кг, 60 кг, 63,5 кг, 67 кг, 71 кг, 75 кг, 80 кг, 86 кг, 92 кг, +92 кг) жұдырықтасса, қыздар 12 салмақта (45-48 кг, 50 кг, 52 кг, 54 кг, 57 кг, 60 кг, 63 кг, 66 кг, 70 кг, 75 кг, 81 кг, +81 кг) сынға түседі. Жастар арасындағы чемпионатқа 2005 және 2006 жылы туған боксшылар қатысады. Ал 2007 және 2008 жылы дүниеге келген балалар жасөспірімдер арасындағы бәсекелерде бақ сынайды.
Бокс жанкүйерлері Азия чемпионатының жартылай финал және финалдық жекпе-жектерін «Qazsport» телеарнасының тікелей эфирінен тамашалай алады. Ал негізгі шаршы алаңдағы жекпе-жектерді 23 қазан мен 3 қарашада ASBC YouTube каналы арқылы түскі 12.00-ден түнгі 22.00-ге дейінгі уақытта көруге болады. Финалдық жекпе-жектер 2-3 қарашаға жоспарланған. Ал елорда тұрғындары мен қала қонақтары «Beeline Arena» спорт кешеніндегі кездесулерді тамашалай алады. Кіру – тегін.
Бұл жарыста ел намысын жастар арасындағы ерлер бәсекесінде Бексұлтан Боранбек (48 кг), Ислам Машкентаев (51 кг), Жансері Көшербаев (54 кг), Бек Жолдасбек (57 кг), Бақтияр Анарбаев (60 кг), Төрехан Сабырхан (63,5 кг), Нұрбек Мұрсал (67 кг), Ислам Советов (71 кг), Алдияр Абдиллаев (75 кг), Дәулет Төлемісов (80 кг), Виктор Литвинов (86 кг), Нұржан Думан (92 кг), Ермоленко Иван (+92 кг) қорғайды. Ал қыздар сайысында Әнел Әбдірасулова (48 кг), Элянур Турганова (50 кг), Анита Адишева (52 кг), Томирис Мырзақұл (54 кг), Ұлжан Сарсенбек (57 кг), Әйгерім Қабдолда (60 кг), Әсем Таңатар (63 кг), Бақыт Сейдіш (66 кг), Азиза Исина (70 кг), Шұғыла Нәлібай (75 кг), Әнел Қалысова (81 кг), Үміт Әбілқайыр (+81 кг) шаршы алаңға көтеріледі.
Жасөспірімдер бәсекесінде ерлерден Нұғман Нығмет (46 кг), Алдияр Баһадүр (48 кг), Ерәділ Ұзақбай (50 кг), Нұрасыл Төлебек (52 кг), Бауыржан Мұратов (54 кг), Әлихан Әскер (57 кг), Асқар Қуаныш (60 кг), Тагир Сатаев (63 кг), Бекарыс Нұрмұхан (66 кг), Жасұлан Бердалы (70 кг), Жандос Алпысбаев (75 кг), Бақытжан Айтмұханов (80 кг), Бексұлтан Қайратұлы (+80 кг), қыздардан Айым Таңқыбаева (46 кг), Сила Бейболсынқызы (48 кг), Регина Тибенева (50 кг), Айша Сариева (52 кг), Аяжан Сыдық (54 кг), Аяжан Ермек (57 кг), Толғанай Қасымхан (60 кг), Алина Құдайгенова (63 кг), Айсұлу Мұхит (66 кг), Ақбота Есімбекова (70 кг), Аружан Зейноллаева (75 кг), Құралай Егінбайқызы (80 кг), Панар Сейітқанқызы (+80 кг) өз өнерін ортаға салады.
