![Қазақстан – Ресей ынтымақтастық форумы: екіжақты тауар айналымының 70 пайызға жуығы өңірлерге тиесілі](/media/2023/11/09/50d9650c-ce62-489c-888a-dea8d7daa379.webp)
Спикерлердің айтуынша, Тобыл төрінде болып жатқан маңызды іс-шара көршілес екі мемлекеттің ірі кәсіпорындары мен шағын және орта бизнес саласындағы іскерлік әріптестікті нығайтады. Форумға Ресей Федерациясының 17 субъектісі келген. Олардың ішінде Алтай өлкесінің губернаторы, Башқұртстан мен Кабардин-Балқар Республикасының басшылары да бар. Айта кету керек, екіжақты тауар айналымының 70%-ке жуығы өңірлердің үлесіне тиесілі. Биыл бұл көрсеткіш 27 млрд АҚШ долларына жеткен. Форум аясында өңірлер мен екі елдің компаниялары арасында жаңа келісімдерге, меморандумдар мен өзара тиімді келісімшарттарға қол қойылды. Маңызды іс-шара Ресей мен Қазақстан арасындағы интеграциялық байланысты, бірлескен сауда-инвестициялық қызмет пен мәдени-гуманитарлық қарым-қатынасты дамытуға серпін береді.