Алматы полиция департаментінің мәліметінше, шетелдіктер тарапынан барлығы 217 жол ережесін бұзу фактісі анықталған, оның 44-і Тәжікстан азаматтарына тиесілі.
"Мамандандырылған айып алаңына 79 автокөлік қойылды. Шетелдіктердің жеке тасымалдау қызметін көрсету фактілерін анықтауға ерекше назар аударылды. Соңғы тәулікте осыған ұқсас 3 факті белгілі болды. Тәжікстан азаматтары жолаушыларды заңсыз жолмен тасымалдауды жүзеге асырған. Құқық бұзушылық жасаудың себептері мен шарттарын жою жөнінде аталған ЖШС-на ұсыныс жасалды», - деді Алматы қалалық полиция департаменті Жергілікті полиция қызметі басқармасы бастығының орынбасары, полиция полковнигі Диас Дуанбеков.
Сонымен қатар, бөлімшенің мәліметінше, шетелдік жұмыс күшін заңсыз тартқаны үшін қалалық такси фирмаларының бірінің басшылығы әкімшілік жауапкершілікке тартылды.
Жергілікті полиция қызметінің өкілдері өз құзыретіне сәйкес анықталған заң бұзушылықтар бойынша Алматы қаласының көліктік бақылау инспекциясына материалдар жіберді.
