Энергетика вице-министрі Әлібек Жамауов көлікті газға ауыстыруға шектеу қою не қадағалау мәселесі қарастырылып жатқанын айтты.
«100 пайыз шектеу болмайды. Бірақ газ жабдықтарының қайдан келгені, сапасы, қай жерде орнатылғаны тексеріледі. Қазіргі уақытта газ баллонын орнататын компаниялардың лицензиясы мүлдем жоқ. Мүмкін лицензиялық қызмет жасайтын шығармыз. Соны ойластырып жатырмыз», деді вице-министр.
Айта кетейік, Ішкі істер министрлігінің ресми дерегінше, елімізде соңғы жылда ғана 300 мыңнан астам автомобиль сұйытылған мұнай газына көшірілген.
