Әлем • 24 Қараша, 2023

Қырғыздар отбасындағы зорлық-зомбылықпен күрестің ерекше жолын тапты

200 рет
көрсетілді
1 мин
оқу үшін

Қырғызстан Республикасының Әділет министрлігі Жогорку Кенеш қарауына тергеудегі күдіктілерге электронды білезік тағуды қарастыратын заң жобасын ұсынды, деп хабарлайды Egemen.kz.

Қырғыздар отбасындағы зорлық-зомбылықпен күрестің ерекше жолын тапты

Әділет министрі Аяз Баетовтің айтуынша, бұл технология үйқамаққа алу режимін бұзу жағдайларының санын азайтуға, сондай-ақ құқық қорғау органдарының тиімділігін арттыруға септігін тигізеді.

Білезіктер отбасындағы зорлық-зомбылық мәселесін шешуде тиімділігін көрсетеді деген пайымда шенеунік.

«Отбасында зардап шеккен адамға қорғау ордерінің орнына –арнайы жетон, ал зорлық-зомбылық жасаушыға электронды білезік беріледі. Зорлықшы зардап шеккен адамға 1 шақырымнан аз қашықтықта жақындаған кезде дабыл белгісі іске қосылады. Бұл жағдайда дабыл белгісі тек жетонға емес, құқық қорғау органдарына да түседі», - деп жазды министрдің сөзін Кабар сайты.

Ведомство басшысының атап өтуінше, қазіргі уақытта министрлік электронды білезіктерді енгізуге толық дайын, бірақ Жогорку Кенеш заң жобасын әлі қарастырған жоқ.