Есірткі • 24 Қараша, 2023

Қытайда істі болған Ақжарқын Тұрлыбайға қатысты жаңа мәліметтер жарық көрді

1698 рет
көрсетілді
1 мин
оқу үшін

Бас прокуратура Ақжарқын Тұрлыбайдың ісіне қатысты тергеудің қалай жүріп жатқанын жариялады, деп хабарлайды Egemen.kz.

Қытайда істі болған Ақжарқын Тұрлыбайға қатысты жаңа мәліметтер жарық көрді

Ведомствоның хабарлауынша, полицейлер контрабанданы ұйымдастырушы деген күдікке ілінген нигериялық азаматты тергеп жатыр, ол Қазақстан азаматына елдер арасында заттарды тасымалдау арқылы ақша табуды ұсынған. Оның Нигерияда қамауға алынғанына бір жарым жылдай уақыт өтті. Алайда, күдікті Қазақстанға экстрадицияланбайды.

«Нигерия азаматы Адинду Нонсо Фортунға қатысты қылмыстық іс «Адамдар тобының алдын ала сөз байласуымен есірткі құралдарын, психотроптық заттарды өткізу мақсатында заңсыз алу, сақтау, тасымалдау» бойынша тергеліп жатыр, сол себепті іс өте ауқымды», делінген ақпаратта.

Дипломатиялық арналар арқылы оны экстрадициялау туралы өтініш Нигерияның құзырлы органдарына жіберілген.

Айта кетейік, Ақжарқын Тұрлыбай 2014 жылы Гуанчжоу әуежайында ұсталған болатын. Ол есірткі контрабандасы үшін айыпталып, өмір бойына бас бостандығынан айырылған.

2015 жылы Қазақстанның Ішкі істер министрлігі Ақжарқынды есірткі қылмысына алдап итермелеген Нигерия азаматына қатысты қылмыстық іс қозғады. 2022 жылғы 20 маусымда Ақжарқын Тұрлыбайдың адвокаты Сұңқар Нұрмағамбетов күдікті Нигерия азаматы шетелде ұсталғанын мәлімдеді. Бұған дейін оған халықаралық іздеу жарияланған болатын.