Қоғам • 27 Қараша, 2023

Жаңа жылдан бастап бірқатар көлікке жаңа белгі қою талап етіледі

409 рет
көрсетілді
1 мин
оқу үшін

Газ баллоны арқылы жүретін темір тұлпар иелері енді көліктеріне жаңа белгі жабыстыруы қажет. Бұл өзгерістер 2024 жылдың 1 қаңтарынан бастап күшіне енеді, деп хабарлайды Egemen.kz

Жаңа жылдан бастап бірқатар көлікке жаңа белгі қою талап етіледі

Қазақстан азаматтарының қауіпсіздігін қамтамасыз ететін стандарттарды жетілдіру бойынша жұмыс белсенді жалғасып жатыр.

«Сауда және интеграция министрлігі Техникалық реттеу және метрология комитеті төрағасының бұйрығы бойынша, ҚазСтандарт әзірлеген, «Жол қозғалысын реттеудің техникалық құралдары. Қолдану ережелері» СТ 1412-2017 ұлттық стандартына толықтырулар енгізілді. Өзгерістер 2024 жылдың 1 қаңтарынан бастап күшіне енеді», деп хабарлады ҚазСтандарт баспасөз қызметі.

Өзгеріс леп белгісі және «GAS» деген жазуы бар қара жиекті сары түсті газ баллон жабдығы бар автомобильдерге арналған белгіні міндетті түрде орналастыруды енгізеді.

р

 

Жаңа ережелер сонымен қатар газбен жүретін көліктердің жабық тұрақтарда тұруын тиімді бақылауға және тыйым салуға мүмкіндік береді, бұл сайып келгенде, азаматтардың жалпы қауіпсіздігіне ықпал етеді.

Естеріңізге сала кетейік, 2019 жылдың 29 желтоқсанынан бастап қауіпсіздік мақсатында газ жабдығымен  жабдықталған автокөліктерге жабық тұрақтарға кіруге тыйым салынған. Автокөліктегі сұйытылған газ дұрыс орнатылмаған болса, ең аз ұшқын жарылыс тудыруы үшін жеткілікті, ол тұрақтағы көрші көліктерді зақымдап қана қоймай, жақын маңдағы адамдарға да зиян келтіруі мүмкін.

Кейінірек, 2020 жылы Ішкі істер министрлігі газ баллондық жабдықпен жабдықталған автокөліктерді тану белгісін әзірледі.