Спорт • 28 Қараша, 2023

Ризабек Айтмұхан олимпиадалық салмаққа ауысты

307 рет
көрсетілді
1 мин
оқу үшін

Еркін күрестен Қазақстан командасының бас бапкері Мадияр Құрамысов Тәуелсіз Қазақстан тарихында тұңғыш әлем чемпионы атанған Ризабек Айтмұхан олимпиадалық салмаққа ауысқанын айтты, деп жазады Egemen.kz Olympic.kz-ке сілтеме жасап.

Ризабек Айтмұхан олимпиадалық салмаққа ауысты

Қаңтар айында Астанада өтетін Қазақстан біріншілігінде лицензиялық турнирге қатысатын балуандар белгілі болады. Сол сайыста әлем чемпионы Ризабек Айтмұхан да жаңа салмақта бақ сынайды. 

«Ризабек олимпиадалық салмақ саналатын 97 келіге ауысты. Қазіргі таңда Азамат Дәулетбековпен бірге Осетияда жаттығып жатыр. Бұл салмақта Әлішер Ерғали сынды балуанымыз барын да білесіздер. Кім мықты екені ұлттық чемпионатта шешіледі. Сол бәсекеде кім жеңсе, лицензияға сол таласады», деді бапкер.