Бүгінгі суретші туындысы қанша тұрады?

Алматыдағы «Jusan vibe» алаңында өтіп жатқан жәр­меңкеде еліміздің өңірлерінен, Қырғызстан, Өзбекстаннан келген 10 галерея біріктіріліп, өз қабырғаларына 30-ға жуы­қ заманауи суретшінің жұ­­­мыстарын қойды. Шын мә­нінде, өнер иесіне өз жұ­мыс­тарын сату оңай емес, абза­лы оның саудасын арт-гале­реяларға беру.

Сурет жәрмеңкесінде шын­­­дығында ұйымдастыру­шылардың өздері де күтпеген оқиғалар орын алды. Алғашқы үш күнде сатылымға шы­ға­рыл­ған жұмыстардың 25%-ы өтіп кетсе, Қараған­ды­дан кел­­ген «Алтын ғасыр» мен таш­­­кенттік «Hlmrdv Gallery» гале­­реяларының картиналары коллекционерлерді арбады. Бұлар Евгения Казакова, Петр Кишкис, Фания Исламова, Темур Шердеметов пен Са­ламат Бабаджановтардың картиналары болатын. «Жәрмеңке дәл осындай нәтиже береді деп күтпеген едік. Бұл – біздің табыс әкелген ең алғашқы тәжірибеміз. Бірінші күні біздің картиналар қойылған қабырға айналасында арт-сарапшылар мен кәдімгі көрермендер ара­сында кәдімгідей пікір­та­лас жүрді. Кейбіреулер бұ­рын мұндай суреттерді кез­дес­тір­мегенін, тосын жаңа­лық екенін айтып жатты. Жәр­мең­кеге әкелген суреттерді Лос-Анджелестен келген куратор, еуропалық, түркиялық және жергілікті коллекционерлер сатып алды», дейді «Алтын ғасыр» галереясының өкілдері.

Расында да, жергілікті арт-нарықта кәсіби жәрмең­кенің пайда болуы – өнер на­рығының қалыптасуы мен дамуының маңызды нышаны ғана емес, арт-туризм үшін де тартымды оқиға. Өйткені Орталық Азия өнері бүгінде әлемдегі жетекші институттарды, галереялар мен ірі коллекционерлерді қызық­тырып отыр. Оның айғағы 2023 жылы Қазақ­станның коммерциялық галереялары «Volta Basel» (Швейцария), «Art Dubai» (БАӘ), «Contemporary Is­tan­bul» (Түркия), «Asia Now» (Франция), «Bazaar Ber­lin» (Гер­мания) сынды бір­неше ірі халықаралық жәрмеңкеге

қа­тысқан. «Біздің аймақта небір талантты авторлар бар. Біз осындай қылқалам шебер­лерін өнер кеңістігінде таныстыра отырып, заманауи нарық қалыптастыру қажеттігін көріп отырмыз», дейді жоба кураторы Оля Веселова.

Жергілікті жәрмеңкенің ашылуы үнемі жаңа атаулар мен жаңа өнер тәжірибелерін іздейтін өнер дилерлерін қы­зықтырады. «Биыл сурет­ші­­лерімізді әртүрлі халық­ара­лық көрмелерге шығара ал­ғанымызды үлкен жетістік деп са­наймыз. Бүгін «Ala Art Fair-де» біз «Сontemporary Istanbul» және «Asia Now» жәр­меңкелерінде кездескен қонақ­тармен қауыш­сақ, олар да Қа­зақстанның өнері, мәде­ние­тімен танысады», дей­ді «Kazakh Tourism» ҰК» АҚ креа­тивті туризм депар­та­ментінің директоры Ирина Харитонова.

Қорыта айтқанда, халық­аралық жәрмеңке Орталық Азияның арт-нарығы туралы кәсіби жиынға ұласты. Арт-конференцияда мамандар түрлі тақырыпта пікір алмасты. Ал заманауи талантты суретшілердің картиналары 70$ бастап 7000-8000$ дейін бағаланды. Талай жұмыс сурет коллекционерлерінің қызы­ғушылығын туғызды.

АЛМАТЫ