Аймақтар • 10 Желтоқсан, 2023

Айтып келген апат

184 рет
көрсетілді
1 мин
оқу үшін

Степногор қаласында жылу жүйесінде апат орын алып, бірнеше көпқабатты тұрғын үй сақылдаған сары аязда жылусыз қалды.

Айтып келген апат

Өткен қыстан әупірімдеп шыққан қаланың жылу жүйесіне біршама көңіл аударылып еді. Алдымен Мемлекет басшысы Қасым-Жомарт Тоқаевтың тапсырмасы бойынша Көкшетау мен Степногор қалаларын жылумен жабдықтау нысандарын жаңғырту туралы шешім қабылданған болатын. Үкімет резервінен бөлінген 2 миллиард теңгенің есебінен магистралдың желілерге жөндеу жүргізілді. «Степногорская ТЭЦ» және «Степ­ногорск Тепло­тран­зит» серіктестіктерінің жеке қар­жысы есебінен жылу-электр орталығының және жылу­мен жаб­дықтау желілерінің құрал-жаб­дықтарына 5,3 миллиард тең­геге жоспарлы жөндеу жұмыс­тары жүргізілген болатын.

Апат орнында жедел штаб құрылып, оған облыс әкімі Марат Ахметжанов төрағалық етті. Шұ­ғыл шаралар қолға алынды. «Степногорск теплотранзит» се­ріктестігінің мамандары жіті қимылдап, жылу жүйесіндегі апат­тың салдарын жойды. Қа­ла тұрғындары орын алған ке­­лең­­сіз жай туралы уақтылы құ­лақтандырылды. Қазір апаттың себебі анықталып, жөндеу жұ­мыс­та­ры жүргізілді. Тұрғын үйлерге жылу беріле бастады.

Қыс жаңа басталғанда қырсық шалғаны көпшілікті қобалжытып отыр. Шағын хабардың тақы­рыбында айтқанымыздай, апаттың айтып келгені де рас. Шоқ жұл­дыздай шағын ғана қаланың жылу жүйесінің тозығы жеткендігі туралы сан мәрте айтылған. Алдағы уақытта тұрғындарды әбігерге салатын тосын оқиға орын алмаса игі.

 

Ақмола облысы,

Степногор қаласы