Қоғам • 14 Желтоқсан, 2023

Мереке күндері ХҚКО-лар қалай жұмыс істейді?

256 рет
көрсетілді
1 мин
оқу үшін

Тәуелсіздік күні мерекесіне орай еліміз бойынша ХҚКО мен мамандандырылған ХҚКО-лардың жұмыс кестесіне өзгеріс енгізіледі, деп хабарлайды Egemen.kz.

Мереке күндері ХҚКО-лар қалай жұмыс істейді?

Фото: ашық дереккөз

«Азаматтарға арналған үкіметтің» баспасөз қызметі хабарлағандай, Халыққа қызмет көрсету орталықтары мен мамандандырылған халыққа қызмет көрсету орталықтары сенбі күні демалады.

«Тәуелсіздік мерекесіне орай мемлекеттік корпорациялар сенбі, яғни 16 желтоқсанда жұмыс істемейді. Дүйсенбі, 18 желтоқсанда, сағат 13.00-ге дейін тек кезекші қызмет көрсету орталықтары мен арнайы қызмет көрсету орталықтары азаматтарды қабылдайды», делінген хабарламада.

Сейсенбі, 19 желтоқсаннан бастап мемлекеттік корпорация әдеттегідей жұмыс істейді.

«Азаматтарға арналған үкімет» орталықтары жұмыс күндері сағат 9.00-ден 18.00-ге дейін азаматтарды қабылдайтынын еске салды.

Кезекшілік қызмет көрсету орталықтары дүйсенбіден жұмаға дейін сағат 9.00-ден 20.00-ге дейін және сенбі күні 9.00-ден 13.00-ге дейін жұмыс істейді.