Аймақтар • 15 Желтоқсан, 2023

«Есімі - Тәуелсіздік»: Жетісу облысында аты ерекше бала тұрады

280 рет
көрсетілді
1 мин
оқу үшін

Жетісу облысында Тәуелсіздік есімді бала тұрады. Осындай ерекше атты иеленген ол Панфилов ауданы Көктал ауылындағы Абай атындағы орта мектептің 7 сыныбында оқиды, қазір 12 жаста, деп хабарлайды Egemen.kz.

«Есімі - Тәуелсіздік»: Жетісу облысында аты ерекше бала тұрады

Суреттер: Панфилов ауданының әкімдігі

Облыс әкімінің баспасөз қызметі мәлім еткендей, 2011 жылы Тәуелсіздік мерекесі қарсаңында дүниеге келген тұңғыш ұлының есімін әкесі ырымдап қойған және айтуынша Желтоқсан оқиғасында қаза болған Ләззат Асанова Көктал ауылының тумасы, ал Ербол Сыпатаев Панфилов ауданының тумасы.

«Желтоқсан оқиғасында ел тәуелсіздігі үшін құрбан болған азаматтардың ерлігі ұмытылмауы тиіс. Солардың құрметіне және егемендіктің қадірін біліп жүрсін деп Тәуелсіздік есімін бердім», дейді әкесі Батырбек Нүсіпов.

Жетісу әкімдігі

Тәуелсіздік Батырбекұлы - оқу озаты, сынып старостасы. Мектепішілік іс-шараларға белсенді қатысып, әрдайым алдыңғы қатардан табылып жүр.

Мереке қарсаңында аудан әкімі Марат Сағымбек мектепке арнайы барып, есімі ерекше балаға смартфон сыйға тартты.

Нүсіповтер – ауылда үлгілі отбасы. Аталған отбасы мал шаруашылығымен айналысып, үш баланы саналы қылып тәрбиелеп, еңбекке де баулып, ел дамуына үлестерін қосып отыр.