Елорда • 08 Қаңтар, 2024

Астанада 2500-ге жуық адам қар тазалауға шықты

123 рет
көрсетілді
1 мин
оқу үшін

Елорданың коммуналдық қызметкерлері тәулік бойы күшейтілген режимде жұмыс істеп жатыр. Күндізгі ауысымда көшелердің қарын тазартуға 1700-ден астам арнайы техника мен 2500-ге жуық жол жұмысшы шықты, деп хабарлайды Egemen.kz елорда әкімдігінің ресми сайтына сілтеме жасап.

Астанада 2500-ге жуық адам қар тазалауға шықты

Фото: әкімдіктің баспасөз қызметі

Ең алдымен жолдарда кептеліс болмас үшін қозғалысы өте қарқынды көшелер тазартылады. Бұдан соң қарқындылығы орташа учаскелер – алаңдар, вокзал маңы аумағы, тротуарлар, әлеуметтік нысандарға кірме жолдар қардан тазартылатын болады.

Астанада 7-8 қаңтар аралығында 37 мың текше метрден астам қар шығарылды, бұл 2802 жүк рейсін құрайды. Ал жалпы қыс басталғалы бері елордада 1 436 205 текше метр қар шығарылған.

«Қазгидромет» РМК хабарлауынша, Астанада 8 қаңтар күні қалың қар жауып, кей уақытта боран соғады. Оңтүстік-батыстан 9-14, екпіні 15-20 м/с жел соғады, түнде және күндіз 0-2 градус аяз болады.