Фото: senate.parlam.kz
Осыған орай Палата Төрағасы бұл бағытта Мемлекет басшысы жүктеген нақты міндеттер бар екенін назарға алып, тиісті ведомствоны белсенділік танытуға шақырды.
«Президент Қасым-Жомарт Тоқаев Жайық өзеніне қатысты нақты тапсырмалар бергені белгілі. Сондықтан осы бағыттағы жұмыстарды Ресеймен дәйекті және табанды түрде жалғастыру керек. Халық жүзеге асырылып жатқан шаралардың нақты нәтижелерін көруі қажет. Алдағы уақытта осы бағыттарда нақты әрі жүйелі жұмыс жүргізесіздер деп сенеміз», деді Мәулен Әшімбаев.
Сенаттың бүгінгі отырысында депутаттар «Халықаралық су ағындарын кеме қатынасынан басқаша пайдалану түрлерінің құқығы туралы конвенцияны ратификациялау туралы» заңды қарап, мақұлдады. Заңның нормаларына сәйкес мемлекеттер өз аумағында халықаралық су ағынын пайдаланған кезде басқа елдерге залал келтірудің алдын алу үшін тиісті шаралар қабылдауға міндеттенеді.
