Қоғам • 15 Наурыз, 2024

Дархан Қыдырәлі: Кез-келген азамат өзін жайлы һәм қауіпсіз сезінуі тиіс

105 рет
көрсетілді
1 мин
оқу үшін

Парламент Сенатының депутаты Дархан Қыдырәлі Атырауда өткен Ұлттық құрылтайдың үшінші отырысы туралы Instagram әлеуметтік желісінде пікірін білдірді, деп хабарлайды Egemen.kz.

Дархан Қыдырәлі: Кез-келген азамат өзін жайлы һәм қауіпсіз сезінуі тиіс

Фото: Мәдениет және ақпарат министрлігі

Жоғарғы Палатаның баспасөз қызметінің мәлім етуінше, сенатор жазбасы былай өрбиді: Атырауда басталған Ұлттық Құрылтайда зорлық-зомбылық, соның ішінде жұмыс орнындағы харассмент мәселесін көтердім.

Зорлық-зомбылыққа мүлдем төзбеу, оның кез-келген түріне ымырасыз болу мәдениетін қалыптастыру тұрғысынан маңызды болғандықтан, тақырыпқа қайта тоқталдық.

Заң үстемдігі салтанат құратын елімізде кез-келген азамат жынысына және жасына қарамай өзін жайлы һәм қауіпсіз сезінуі тиіс.

Айтпақшы, біз бұл мәселені қаузап жүргенде қырғыз ағайындар ТМД елдері арасында алғашқы болып Халықаралық еңбек ұйымының «Еңбек саласындағы зорлық-зомбылық пен харассментті жою туралы» конвенциясын ратификациялап қойыпты.