Фото: khabar.kz
24.kz сайтына сұхбат берген Асылбек Садуов 25 наурыздан бастап Қостанай облысында су тасқынына байланысты жедел штаб құрылып, үздіксіз жұмыс істеп жатқанын айтты. Облыс бойынша, тұрғындарды эвакуациялау жұмыстары жалғасып жатыр.
«Арқалық, Амангелді, Жангелді аудандарында жағдай күрделі. Мәселен, 390 адамды топан судан құтқардық. Дәлірек айтқанда, Арқалық қаласында 307 адамға, Амангелді ауданында 35 адамға және Жангелді ауданында 46 адамға көмек көрсетілді. Құтқару жұмыстары әлі де жалғасады», деді Асылбек Садуов.
Оның айтуынша, үйлерін су басып қалған тұрғындарға көмек көрсету мақсатында үш ұшақ жіберілді. Құтқару жұмыстарына Қарағанды облысының 50 әскери қызметкері қатысып жатыр. Одан бөлек Қызылорда облысынан қосымша 31 адам мен 6 арнайы техника жұмылдырылды.
