Облыс басшысы Құмар Асксақаловтың төрағалығымен облыстық жедел штаб өз жұмысын жалғастыруда.
Облыс әкімінің алғашқы тапсырмаларының бірі зардап шеккен аудандардың балалары үшін оқу процесін ұйымдастыру, соның ішінде оларды киіммен, оқулықтармен және кеңсе тауарларымен қамтамасыз ету болды.
Аудандар бойынша барлығы 267 бала эвакуацияланды, оның 215 - і мектеп жасындағы, 52-сі мектепке дейінгі жастағы балалар.
Бүгінгі таңда балалар туыстарының жанында тұрады және отбасыларымен бірге эвакуациялық пункттерге орналастырылған.
Арқалық қаласына эвакуацияланған балалардың оқу процесі М. Әуезов атындағы № 5 ЖББМ - де екінші аусымда ұйымдастырылады.
Амангелді және Жангелді аудандарындағы су тасқынынан зардап шеккен отбасылар интернатта және Торғай кентінің шығармашылық үйінде орналасқан.
Жалпы, қашықтан оқыту 11 мектепте ұйымдастырылады: Амангелді ауданының 10 мектебі (1739 бала) және Жангелді ауданының 1 мектебі (44 бала).
Оқу үдерісі үшін барлық қажетті құралдармен оқушылар қамтамасыз етілді, бұған қаражат жалпыға бірдей білім беру қорынан алынды.
«Мектептерде балаларға арналған кабинеттер, оқулықтар дайын, тоқсанның бірінші күнінен бастап оқушылардың тамақтануы ұйымдастырылады. Барлық балалар мектеп формасымен және кеңсе тауарларымен қамтамасыз етілген», деп атап өтті Білім басқармасы.
