Фото: Нұрқанат Құлабай
Қазіргі таңда тағы 25 адам көмек күтіп отыр. Оның ішінде 6 бала бар. Қостанай облысының су басқан аймақтарынан 1400-ден астам адам көшуден бас тартқан. Оның ішінде 32 бала бар. Төтенше жағдаймен күресуге Қостанай облысы Төтенше жағдайлар департаментінің және жергілікті атқарушы органдардың 1000-нан астам адамы, еріктілер, полиция қызметкерлері, Қызылорда облысы Төтенше жағдайлар департаментінің әскери және қосымша күштері мен құралдары жұмылдырылды.
Құтқарушыларға облыстық және Қарағанды қаласының Төтенше жағдайлар министрлігінің 52859 әскери бөлімі көмекке келді. Қазіргі уақытта Қостанай облысында республикалық, облыстық және жергілікті маңызы бар 15 автожолды су шайған.
