Оқиға • 27 Сәуір, 2024

Жетісу облысында жоғалып кеткен 29 жастағы жігіттің мәйіті судан табылды

104 рет
көрсетілді
1 мин
оқу үшін

Төрт күн бұрын Көксу ауданында 29 жастағы жігіт мал жаюға кетіп, сол күйі үйіне оралмаған, деп хабарлайды Egemen.kz.

Жетісу облысында жоғалып кеткен 29 жастағы жігіттің мәйіті судан табылды

Өңірлік ПД мәліметінше, 23 сәуірде Көксу ауданының полиция бөліміне ұлының жоғалғаны туралы арызбен Еңбекшіқазақ ауылының тұрғыны жүгінді. Оның айтуынша, 29 жастағы жігіт мал жаюға шығып, оралмаған. Жоғалған адамды іздеуге аудандық полицияның барлық жеке құрамы, жергілікті тұрғындар мен еріктілер бағытталды.

 

«Сол күні жоғалған жігіттің жылқысы Ескелді ауданының Жаңалық ауылында табылды. Көрші ауылдарды Көксу өзені бөліп тұрғаны ескеріліп, іздеуге облыс құтқарушылары қосылды. 27 сәуірде іздеу іс-шараларының барысында жоғалған адамның зорлық-зомбылық белгілерінсіз мәйіті Көксу өзенінің түбінде табылды. Қазіргі уақытта қажетті сараптамалар тағайындалды», деді ПД бастығының орынбасары Елдар Абдикенов.

Өңір полициясы ауыл тұрғындарына мүмкіндігінше сақ және сергек болуды сұрайды. Су тасқыны кезеңінде су объектілеріндегі су көлемінің ұлғаюы байқалатынын және олардағы ағынның жылдамдығы қатты болуы мүмкін екенін де еске салады.