Батыс Қазақстан медициналық университетінің басшысы ұсталды

Сыбайлас жемқорлыққа қарсы қызметтің мәліметінше, қазір сотқа дейінгі тергеу амалдары жүргізіліп жатыр.

«Сыбайлас жемқорлыққа қарсы қызмет сотқа дейінгі тергеу аясында «М.Оспанов атындағы Батыс Қазақстан медицина университеті» КЕАҚ басқарма төрағасының ұсталғанын растайды», делінген хабарламада.

Айта кетейік, университет ректоры Әсет Қалиев еді. Сондай-ақ ол әр жылдары Ақтөбе және Жамбыл облыстарының денсаулық сақтау басқармасы басшысы қызметін атқарды.