Аталған жобаның елімізде әзірше баламасы жоқ. Бұл EN 206-2017 еуропалық стандарттарына сәйкесетін озық құрылыс материалдарын енгізу үшін құрылған. Кәсіпорын инновациялық құрылыс материалдары сегментінде жол, өнеркәсіптік және азаматтық құрылыс нарығында жұмыс істеуге бағытталған келешегі мол жоба.
Зауыт өнімінің негізінде отандық ғалымдардың ғылыми-техникалық зерттеулері мен әзірлемелері, атап айтқанда, күрделілігі жоғары ғимараттарды тұрғызатын тауарлық құйылған модификацияланған бетон бар. Жоба жетекшісі – Т. Бәсенов атындағы сәулет және құрылыс институтындағы «Құрылыс және құрылыс материалдары» кафедрасының меңгерушісі Данияр Ахметов.
Жаңа зауыт басшысының айтуынша, кәсіпорын озық технологиямен және жоғары сапалы құйылған модификацияланған бетонды өндіруге төзімді бірегей құрал-жабдықпен қамтылған. Бір жағынан, елімізде алғаш ашылып отырған бұл зауыт ЕN 206 және ГОСТ 7473 Еуро стандарты бойынша кез келген маркалы өздігінен тығыздалатын және құйылатын бетондарды шығаруға арнайы жобаланып, технологиялық бағдарланған. Өздігінен тығыздалған бетон алғаш рет 1988 жылы күрделі геометриялық пішіндегі берік бетон конструкцияларын жасау үшін жасалған. Содан бері оны арнайы бетоннан стандартты бетонға айналдыру мақсатында ғалымдар көптеген зерттеу жүргізді. Мамандар жергілікті шикізат компоненттері мен техногендік өндіріс қалдықтарындағы бетон қоспасының құрамын жобалады.
Мұндай жоғары технологиялық материалдарды пайдалану қысқа мерзімде маңызды инфрақұрылымдық ғимараттар салуға мүмкіндік береді. Бұл қоршаған ортаға жүктемені де азайтады.
Айта кетейік, жобаны зауыт құрылысына грант бөлген «Ғылым қоры» қолдаған.
