Білім • 28 Маусым, 2024

Шетелден шақырту алды

41 рет
көрсетілді
1 мин
оқу үшін

Биылғы түлектердің бірі Ислам Әбдірахманов БАӘ, АҚШ, Англия, Польша, Ма­лайзия, Швейцария мемле­кет­терінің универси­те­тінен шақырту алды.

Шетелден шақырту алды

Түркістан «Білім-ин­новация» лицейінің оқу­шысы бұл жетістікке бір­ден жет­пеген. 7-сыныпқа қадам басқалы, ол өзін түрлі ба­ғыт­тарда сынға салып, бірнеше жетіс­тікке қол жеткізген.

«Жоғары сыныптарда интеллектуалды жарыстарға қызыға бастадым. Олардың ішінде шахматқа ерекше назарым ауды. Нәтижесінде, облыстық деңгейде өткен түрлі байқаулардан жүлделі орындарды иеленіп жүрдім. Ал 8-сыныпта ІТ саласын меңгере бас­тадым. Республикалық деңгейде өткен «Hackathon» атты сайыстан алтын медальды жеңіп алдым. Осы іс-шарадан алған тәжірибем «Қа­зақстан білім олимпиадасынан» бі­рінші орын алуыма себепкер болды», дейді зерек жігіт.

Бұл жетістіктер мен ізденістер 11-сыныпқа келгенде өз нәтижесін берді.

Жоғары оқу орнына түсуді мақсат тұтқан ол ең әуелі ағылшын тілінен IELTS емтиханын тапсы­рады. Содан соң талапкер маманды­ғына қатысты әлемнің үздік деген университеттерінің емтиханынан өтіп, құжаттарын ұсынады. Нәтижесінде, Исламның электронды поштасына 40-тан астам жоғары оқу орнынан шақырту келеді. «Қазір АҚШ-тың Техас штатындағы Хьюстон қаласында орналасқан «North American University (NAU)» оқу орнын таңдап отырмын. Бизнес-финанс мамандығын меңгерсем деймін», дейді ол.

Шетелде білім алып, кейін Отанына үлкен тәжірибемен, білім азығымен оралып, пайда әкелу­ге жетелейтін бұл мүмкіндік Ислам­ның бес жылдық еңбек пен ізгі ние­тінің жемісі сыңайлы. Шетелдік шақыр­тулардан рекорд орнатқан жас жет­кіншекке біз де ақ жол ті­лей­міз!