Аймақтар • 02 Шілде, 2024

Алматы жазы қарбалас

15 рет
көрсетілді
4 мин
оқу үшін

Бұл күндері «Таза Қазақ­стан» жалпы респуб­ли­калық бастамасы сен­біліктер аясынан шығып, тосын да соны бас­тамаларға түрткі болып жатқаны қуан­тады. Мысалы, «Таза Қазақ­стан» мегаполисте «Алматы жазы» акция­сына ұласса, осы іске жа­уапты мекемелер 6 шіл­де­ге дейін жалғасатын таза­лық жұмыстарына жас­тарды да жұмыл­ды­рып отыр.

Алматы жазы қарбалас

Алматыда 150 субұрқақ бар болса, оның 66-сы коммуналдық, 84-і жекемен­шік аумағында екен­дігін, ал ком­муналдық мен­шік­тегі су­бұрқақтар 1 ма­мырдан 25 қазанға дейін күн­де­лікті тек­се­ріліп, тазаланып, жұмыс істеп тұрғанын айтуға бо­лады. Алай­да жеке­меншік ау­мақтағы су­бұр­қақ­тардың жағ­дайы мәз емес, қарау­сыз қалған, жұмыс істе­мей­ді яки күрделі жөндеу­ді талап ете­тін­дік­тен, «Алматы жазы» акция­сы жекеменшік аумағындағы субұр­қақтар қал­пына келтіруді көздеп отыр.

Оған қоса ұзындығы 1 525 ша­қырым болатын арық желі­лерін тазарту жұмыстары кү­шей­­тіледі. Күн сайын Алма­ты­­ның арықтарынан шамамен 250 текше метр ­лай мен қо­қыс шығарылады. Көк­тем шық­­қалы тынымсыз жүргізі­ліп жатқан тазалық жұмыста­рына қарамастан арықтарды нөсер жаңбыр кезінде тұрғы­н­дар тастаған қоқыс-қалдықтар бі­теп, айналасын көл-дария етіп жатады. Қанша жерден еске­­р­тілсе де, өкінішке қарай, ком­­муналдық қызмет нөсер жаң­­бырдан ке­йін арықтарды жөр­­­гектер, ескі-құсқы заттар мен ыдыс-аяқ, тіпті көлік дөң­ге­­­лектері мен құры­лыс қалдық­та­­­рынан тазартып отыруға мәж­­­бүр.

«Алматы жазы» акциясы екі апта ішінде 624 аял­даманы, 222 бағдаршам мен 2 181 жол белгісін жуып, өзен жағалауы мен су айдындары аумағындағы шамамен 250 шаршы шақырым жерді қоқыстан тазартуды жос­парлап отыр.

Сол сияқты жазда аула ішін­дегі қоқыс контейнерлерінің тез толып қалатыны да мәсе­ле туғызатындықтан, 1 454 кон­тейнерлік алаңды санитарлық өңдеуден өткізіліп, 700 контей­нерлік алаң жуылып, залалсыздандырылып, 24 747 қоқыс жәшігі тазартылады.

Егер Алматыда айналып өту­ге болмайтын ескі мәселе бар дейтін болсақ, ол – өзегі қура­ған ағаштар. Діңі шіріп тұр­ған ағаштар жел шайқағанда адам­дарға ғана емес, мүлікке, көлеңке іздеген көліктерге де қауіп төн­діріп жатады. Сон­дық­тан «Ал­маты жазы» акция­сы кезінде ­6 мың­ға жуық ағаш са­нитарлық мақсатта кесіледі.

Көңілге шуақ ұялататын тағы бір жайт, «жасыл» еңбек жа­са­қ­тарындағы белсенділер қатары көбе­йіп келеді. «Ең алдымен, «Жасыл ел» жобасы аясында «Jas ecopatrol» экологиялық жасақ­тары мониторинг жұмыстарын жүр­­гізіп жатқанына тоқталғым келеді. Нәтижесінде, қала аудандарында 15-тен астам ірі рұқ­­сатсыз қоқыс орындары бар екендігі анықталды, бұл қал­дық­тарды заңсыз жинау мәсе­ле­сінің бар екенін көрсетеді. Сон­­дай-ақ өзендерді ластауға қа­тысты 150-ден астам заң бұ­зу­­шылық анықталды», дейді Алматы қаласының «Жасыл ел» және «Жас экопатруль» жастар эко­ло­гиялық жасақтарының бас­­шысы Әділ Нұрпейісов. Ай­туынша, анықталған келең­сіз­дік­терге байланысты жауапты меке­мелерге 50-ден астам сұрау салы­нып, 100 шақты арыз жазылған.

«Жасыл ел» еңбек жа­сақ­тарын құру жоғары оқу орындары мен экологиялық ұйымдар арқы­лы жүзеге асып жатыр. 700-дей адам атсалысатын биылғы «Жасыл ел» жобасы Көктөбе­де тұсауын кесіп, экологиялық ­нормалар бойынша тренинг­тер мен нұсқаулықтар өткізіл­ді. Аталған жобаның тиімділі­гі көп-ақ. Жазғы демалыста жас­тар босқа сандалмай, бір-бірі­мен араласып, табыс тауып, қала тазалығы қалай қамтамасыз еті­летінін түйсінеді.

АЛМАТЫ