Tengri Auto жазғандай, 2023 жылы бөлшек сауда ұйымдары жаңа жеңіл автомобильдерді 1,9 триллион теңгеге сатқан. Бұл ұлттық статистика бюросының мәліметтері бойынша, былтырғымен салыстырғанда номиналды мәнде 105 пайызға артық.
Сатудың негізгі бөлігі, яғни бір жылдың жалпы көлемінің 60 пайызы Астана мен Алматыға тиесілі.
ҰСБ мәліметінде, сатылған автомобильдердің нақты саны көрсетілмеген. Алайда, қазақстандық автомобиль одағының деректері бойынша, 2023 жылы ресми дилерлер 199 мың жаңа жеңіл және коммерциялық автомобильдерді сатқан, бұл 2022 жылмен салыстырғанда 60 пайызға артық.
