![Аида Балаева «Әлия» фильмінің түсірілімі неге тоқтатылғанын түсіндірді](/media/2024/08/19/2024_05_09_1715078846-1.webp)
Аида Балаева «Әлия» фильмі негізгі жобалардың бірі болып қала беретінін айтты. Фильмнің бюджеті 900 миллион теңгеден асады.
«Маусым айында фильм түсіруді жоспарлап отырған команда ұлттық киноны қолдау мемлекеттік орталығы ұйымдастырған питчингке қатысты (инвесторларды табуға арналған киножобаның тұсаукесері). Ведомствоаралық комиссияға қаржыландыруға 18 жоба ұсынылды, оның ішінде «Әлия» фильмі де бар. Әлия Молдағұлованы еске алу туралы фильмнің көрермен үшін маңыздылығын ескере отырып, кинокомпания мемлекеттік қаражатты ұтымсыз пайдаланбау үшін конкурсқа қатысуды уақытша тоқтата тұруға шешім қабылдады», деп жазды министр Facebook парақшасында.
Оның айтуынша, бұл шешім жобаны іске асыруды кейінге қалдырудың жоғары қаупімен байланысты. Өйткені түсірілімнің негізгі бөлігі, атап айтқанда, әскери қимылдар сахнасы Беларусь аумағында жоспарланған. Бірақ көрші ел басқа жобалардың жұмысы көп болғандықтан, қажетті алаңдарды әлі бере алмай отыр. Сондықтан жоба авторлары Шығыс Қазақстан облысындағы өз алаңдарын қайта құруды ұйғарды.
«Жобаны қаржыландыруда қиындықтар жоқ, біз түсірілімді уақытында аяқтап, үлкен экрандарда көрсетуге бар күшімізді саламыз», деді А.Балаева.