Бұл – баршамыз бағындырған биіктік

Қазақстан Республикасы Президентінің кезектен тыс сайлауын бақылау жөніндегі республикалық қоғамдық комиссия мүшелерінің пікірі Татьяна ЗИНКЕВИЧ, Д.А.Қонаев атындағы Еуразиялық заң академиясы кафедра меңгерушісінің орынбасары, заң ғылымдарының кандидаты, доцент: Мен Қазақстан Респуб­ликасы Пре­зи­­ден­­тінің кезектен тыс сайлауын бақылау жөніндегі республикалық қо­ғам­дық комиссия атынан бақылаушы болып бекітілген Алматы қаласы, Медеу ауданы, Шухов көшесі, 37 Б мекенжайында орналасқан №403 сайлау учаскесінде дауыс беру үдерісі қарқынды жүрді. Әсіресе, сайлау күнінің бірінші жартысында халықтың дауыс беруге қатысу белсенділігі жоғары болды. Жалпы, сайлау шаралары жоғары деңгейде ұйымдастырылған. Бақылаушылардың ешқайсысы қандай да бір заң бұзушылық тіркеген жоқ. Учаскенің ашылуы туралы хаттама, қорытынды хаттама сынды барлық қажетті құжаттар берілді. Эдуард МҰХАМЕДЖАНОВ, Абылай хан атындағы Қазақ халықаралық қатынастар және әлем тілдері университеті халықаралық құқық кафедрасының профессоры, заң ғылымдарының докторы, профессор: Қазақстан Респуб­ликасы Президентінің кезектен тыс сайлауын бақылау жөніндегі республикалық қоғамдық комиссия байқаушы­лары еліміздегі сайлау учаскелерінің басым бөлігінде сайлау барысына қадағалау жүргізді. Мен Алматы қаласы, Медеу ауданы, Қалдаяқов көшесі, 62 мекенжайындағы №374 сайлау учаскесінде байқаушы болып бекітілдім. Дауыс беру барысы еркін, ашық, тәртіпке сай, бірқалыпты, осындай іс-шараларға тән қандай да бір қарбалассыз өтті. Сайлаушылардың келу қарқыны жоғары болды. Дәулет БАЙДІЛДИНОВ, Әл-Фараби атындағы Қазақ ұлттық университеті заң факультетінің деканы, заң ғылымдарының докторы, профессор: Қазақстан Респуб­ликасы Президентінің кезектен тыс сайлауын бақылау жөніндегі республикалық қоғам­дық комиссияның Қазақстанда өткен сайлауларды бақылау тәжірибесі мол. Биылғы сайлау науқаны біршама өзгеше болды. Біріншіден, халықтың сайлауға келу қарқынына қарап, болашаққа деген зор сенімін аңғаруға болады. Екіншіден, сайлауға бейжай қарап, саяси маңызды оқиғадан тыс қалғандар кемде-кем. Үшіншіден, жалпы сайлау науқаны ешқандай дау-дамайсыз өтті, заңсыз саяси технологияларды қолдану әрекеттері байқалған жоқ. Төртіншіден, бұл сайлау қазақстандық қоғамның саяси мәдениетінің өскендігін көрсетті. Сондай-ақ, бұл күнді мереке ретінде қабылдаған отандастарымыздың қуанышты көңіл-күйін сырттай бақылау өте қызықты болды. Арыспай КАБДЫҒАЛИЕВ, саясаттанушы. Алдымен сайлау науқанының жоғары деңгейде ұйым­дас­тырылғанын атап өту керек. Көлемді дайындық жұмыстары жасалған. Сайлау комиссиялары мүшелері тарапынан дауыс беру учаскелерін дайындауда қажырлы еңбек атқарылған. Қарапайым азаматтар тарапынан сайлауға қызығушылықтың артуы қуантарлық жайт. Қазақстан Республикасы Президентінің сайлауы еш күмәнсіз бүкіл әлемге қоғам белсенділігінің артқанын және қазақстандықтардың электоралдық мәдениеті деңгейінің өскендігін көрсетті. Біз, Қазақстан азаматтары, өз таңдауымызды жасадық, біздің таңдауымыз тарихқа халқымыз бен еліміздің болашағы үшін жасалған таңдау ретінде енетін болады! Жаңылжан ЖҮНІСОВА, саяси ғылымдар докторы, профессор. Халықаралық бай­қаушылар мен қазақ­стандық қоғамдық бірлестіктер өкіл­дерінің сайлау учаскелеріне көптеп тартылуы қара­­пайым жағдайға ай­налды. Сайлау рәсі­мін қамтамасыз етуге бағытталған, бай­қау­­шылардың қаты­суы, мемлекеттің ашық­тығын жариялайды, сайлаудың әділдігі мен туралығына деген сенімін арттырады. Сондай-ақ, сайлаушылардың қатысуы жоғары болды. Біз таңертеңнен бері бюллетеньдерге деген кезекті көріп отырмыз. Ертерек дауыс беруге ұмтылу, өзінің конституциялық құқығын қолдану – бұл қазақстандық жоғары электоралдық мәдениеттің куәсі. Сайлау бірлік пен демократиялық құнды­лықтарды тағы бір мәрте жариялады – бұл Қазақстанның бетке алған жолы. Каринэ БАБАГУЛЯН, заңгер: Қазақстандықтар өз­дерінің жаңаруды, одан әрі даму мен бірізділікті таңдайтындықтарын та­ғы бір мәрте дәлелдеді. Сайлаушылар бел­сен­ділігінің жоғары деңгейде тіркелуі қо­ғам бірлігі мен дауыс берушілердің азаматтық саналылығының куәсі. Бірқатар сарапшылар халықтың саясатқа деген қызығушылығының артып отырғандығын атап көрсетті. Мемлекет басшысы кез келген елдің күші – бірлік екендігін нығыздап айтып келеді. Қоғамдық бірлік пен келісімнің айқын паш етілуі президенттік сайлаудың басты қорытындылары деп ойлаймын. Зәуре АЛШЫМБАЕВА, экономист: Жалпы, Қазақстанда сайлау үдерісін ұйым­дастыруда жоғары дең­гейлік және сайлау­шылардың ерекше белсенділігі байқалады. Сайлау науқаны барысында барлық шаралар қатаң заң талаптарына сәйкес өтті. Халықаралық байқаушылар үшін сайлауалды науқаны мен сайлау барысында ашықтық қамтамасыз етілді. Қазіргі Президент кандидатурасына деген бүкілхалықтық қолдау қазақстандықтардың мемлекеттің бүгіні мен болашақ жетістіктерін тек қана Мемлекет басшысымен байланыстыратындықтарын көрсетті. Нұрсұлтан Назарбаевтың саяси бағытының негізгі мінездемесі оның нақтылығында. Елбасының реформалары әрқашан мемлекеттік саясат тарапынан әлеуметтік басымдыққа ие. Нәтижесінде, жалпы мемлекеттік деңгейде қабылданған шаралар азаматтардың әл-ауқатының артуына және материалдық жағдайының өсуіне ықпал етеді. Жұлдызай ЫСҚАҚОВА, саясаттанушы: Президент сайлауы – қандай мемлекеттің болмасын саяси өмі­рін­дегі өте жауапты да маңыз­ды шара. Шын мә­ні­нде – елдің одан әрі даму­ын таңдау жолы. Бүгін, қазақстандықтар тарапынан таңдау, Қазақ­станның тұрақты даму­ының кепілі, мойын­далған көшбасшы Нұр­сұлтан Әбішұлы Назарбаевқа түсті. Бүгінде Нұрсұлтан Назарбаевтың идеялары мен мақсаттары жалпыұлттық құндылықтарға айналды. Осыған негізделе отырып, қазақстандықтардың басым көпшілігі өздерінің Көшбасшысы – Нұрсұлтан Назарбаевқа дауыс берді. Сайлау қорытындылары Елбасына деген сенімді жоғары деңгейді көрсетіп, біздің еліміздегі тарихи максимумға айналды. Сонымен қатар, бұл күнгі сайлаушылардың қатысуының жоғары деңгейін атап өту керек. Алдыңғы науқандармен салыстырғанда біздің азаматтарымыздың саяси және электоралдық мәдениетінің артқаны айқын көрініп тұр. Сондай-ақ, бұл сайлау бүкіл әлемге Қазақстанның демократиялық қағидаттар мен нормаларға беріктігін дәлелдеді. Олардың барысын мыңдаған отандық және жүздеген шетелдік байқаушылар мұқият қадағалады.