Ауылдан – Астанаға

Жуырда Отырар ауда­ны­ның әкімдігі мен аудан­дық ардагерлер кеңесі бірле­сіп игі іс жасады. Олар зей­­нет­керлердің Астана қала­­­сын көріп қайтуы үшін са­пар ұйымдастырды. Ауданымыздан Астанаға 31 зейнеткер барды. Уақыттың түн ортасы болғанына қарамастан зейнеткерлер Темір теміржол бекетінен салтанатпен шығарып салынды. Астанадағы Бей­бітшілік және ке­лісім, Тәуел­сіздік са­рай­ларында, Тұңғыш Пре­зи­дентіміздің мұра­жайында, «Бәйтеректе», «Ашық аспан ас­тын­дағы», ұлттық және «Ал­жир» (сая­си қуғын-сүргінге түскен аза­мат­тар­дың әйелдері қамалған лагерь) музейлерінде, тағы да басқа көркем де сәулетті орындарда болған зейнеткерлер көңілдеріне көп ой түйіп оралды. Қазіргі Астанамыз – өмірден озық тұрған келешектің қаласы. Сондықтан зей­нет­керлер осы сапарды ұй­ым­­дастырғандарға алғыс айтуда. Сейділдахан ЕЛБАСЫ, Отырар ауданының құрметті азаматы. Оңтүстік  Қазақстан облысы.