Фото: t.me/pressmfakz
Еркін Ахинжанов 1968 жылы 28 қыркүйекте Алматыда дүниеге келген. 1992 жылы Алматы педагогикалық шет тілдер институтын бітірген.
1992 жылы - Қазақ мемлекеттік экономикалық университетінде (ҚазГЭУ) ағылшын тілі мұғалімі;
1993-1995 жылдары Сыртқы істер министрлігінің Консулдық департаментінде ассистент қызметін атқарған;
1995-1997 жылдары - Қазақстанның Үндістандағы Елшілігінің үшінші хатшысы;
1997-1998 жылдары - Сыртқы істер министрлігі консулдық қызмет департаментінің үшінші хатшысы, бөлім бастығы;
1998-2003 жылдары Қазақстанның Үндістандағы Елшілігінің екінші, одан кейін бірінші хатшысы болып жұмыс істеді;
2003 жылы - Сыртқы істер министрі хатшылығының ақпаратты басқару және талдау бөлімінің меңгерушісі;
2003-2005 жылдары - Сыртқы істер министрлігі Еуропа және Америка департаментінің бөлім басшысы, директорының орынбасары;
2005-2008 жылдары – Сыртқы істер министрлігі Жалпыеуропалық ынтымақтастық департаментінің директоры;
2008-2009 жылдары Сыртқы істер министрлігінде Еуропадағы қауіпсіздік және ынтымақтастық ұйымы департаментінің директоры болып жұмыс істеді;
2009-2011 жылдары – Қазақстанның ЕҚЫҰ жанындағы Тұрақты өкілінің орынбасары (елші кеңесшісі);
2011-2012 жылдары – Қазақстанның Венадағы халықаралық ұйымдар жанындағы тұрақты өкілінің орынбасары (елдің кеңесшісі);
2012-2014 жылдары – Сыртқы істер министрлігінің Еуропалық департаментінің директоры;
2014-2017 жылдары Қазақстанның АҚШ-тағы Елшілігінің Министр-кеңесшісі болды;
2017-2018 жылдары - Нью-Йорктегі Қазақстанның БҰҰ жанындағы Тұрақты өкілінің орынбасары;
2019-2023 жылдары - Қазақстанның Норвегиядағы Елшісі;
2023 жылғы 11 қаңтардан бастап – Қазақстанның Оңтүстік Африка Республикасындағы Елшісі лауазымын атқарып келеді.
I дәрежелі Төтенше және Өкілетті Елші дипломатиялық дәрежесі бар.
Айта кетейік, бүгін Мемлекет басшысының Жарлығымен Данияр Сарекенов Қазақстанның Словениядағы Елшісі болып тағайындалды.
