«Айрықша назар жолдың қауіпті учаскелеріне, кәмелетке толмаған жаяу жүргіншілерге және самокат пен мопед жүргізушілеріне аударылды. Соңғы уақытта жол қозғалысы қауіпсіздігіне үлкен қауіп төндіріп тұрған шағын электр көлік құралдары да назардан тыс қалмады», делінген хабарламада.
Күніне тәртіп сақшылары жаяу жүргіншілер тарапынан 200-ден 300-ге дейін құқық бұзушылықты анықтайды. Жыл басынан бері ҚР Әкімшілік құқық бұзушылық туралы кодексінің 615-бабымен 17 мыңға жуық жаяу жүргінші жауапкершілікке тартылды. Сонымен қатар аталған бапқа сәйкес велосипед, мопед және самокат жүргізушілері де жауапкершілікке тартылады.
