Сәуірден маусымға дейін теңгедегі несие арзандай түсті. Қыркүйекте шетел валютасындағы несие жеке тұлғаларға қолжетімді болды. Сонда көрсеткіш 5,4%-дан 4,4%-ға төмендеді. Заңды тұлғаларға қатысты теңгедегі несие мөлшерлемесі өзгермей, 17,6% деңгейінде қалды.
Халық жеке тұлға банкроттығына көбірек жүгіне бастаған. Алайда банкроттыққа берген өтінімнің 75%-ы мақұлданбаған. «Qoldau.kz» платформасының мәліметінше, жеке тұлғалардан банкроттыққа 124,5 мың өтініш түскен. Бұл өтініштердегі төленбеген борыш сомасы – 266 млрд теңге.
Мақұлданбаудың басты себептері – өтініш берушінің атында дүние-мүліктің болуы, қарыз мерзімі мен сомасының банкроттық талаптарына сай келмеуі.
