Орал тұрғыны үш метрлік кәріз құдығына түсіп кеткен

Төтенше жағдайлар министрлігінің ақпаратына сенсек, оқиға сенбі күні Урдинская көшесіндегі үйдің жанында болған.

«1989 жылы туған ер адам үш метрлік кәріз құдығына құлап кеткен. Жақын маңнан өтіп бара жатқан адамдар көмек сұраған дауысты естіп, 112-ге жүгінген», делінген ведомство хабарламасында.

Оқиға орнына жеткен құтқарушылар ер адамды альпинистік құралдардың көмегімен алып шықты.

«Олар зардап шегушіні жедел медициналық жәрдем қызметкерлеріне тапсырды», деп қосты баспасөз қызметі.