Фото: primeminister.kz
Үкімет осы әлеуметтік нысанның құрылысына 1,1 млрд теңге бөліп отыр.
Спорт кешені жалпы дене шынықтыру дайындығы бойынша оқу-жаттығу сабақтарына және жарыстар өткізуге қолайлы етіп салынбақ. Онда бокс, күрес және басқа да спорт түрімен айналысуға арналған бірнеше зал қарастырылған.
Үкіметтің дерегінше, былтыр елімізде салынған 90 дене шынықтыру-сауықтыру кешенінің басым бөлігі ауылдық жерлерде орналасқан.
Биыл осы бағытта 113 жаңа нысан салу және жұмыс істеп тұрған 26 спорт мекемесін реконструкциялау жоспарланған.
«Бүгінгі таңда Үкімет Арнаулы мемлекеттік қордан әлеуметтік маңызы бар нысандарды салуға шамамен 50,6 млрд теңге бөлді. Олардың қатарында 4 мектеп, оның ішінде біреуі музыкалық мектеп, спорт кешені, көпсалалы аурухана кешені, жатақхана, 2 балабақша бар», делінген Үкімет хабарламасында.
