Астана күніне арналған шараларға журналистерді аккредитациялау басталды

АСТАНА. 18 маусым. Биыл Астана күніне орай «Ел жүрегі – Астана!» ұранымен 70 астам шара өтеді. Бұл туралы astana.gov.kz хабарлады. Барлық шаралар бір тақырып пен топтамада біріктірілетін болады. Мерекелеудің басты тақырыбы Қазақ хандығының 550 жылдығына, Қазақстан халқы Ассамблеясының 20 жылдығына арналады. Астана қаласының әкімдігі қала күнін мерекелеуге арналған шараларды жариялауға БАҚ өкілдерін тіркеу жариялайды. Арнайы рұқсатнама дайындау үшін журналистер тізімін ұсыну қажет. Тіркеу 22 маусым сағат 12:00-ге дейін жалғасады. Елорда күнін ресми мерекелеу 4 шілдеде Мемлекеттік туды салтанатты көтеру рәсімінен басталады. Мерекеге орайластырылған шаралар дәстүр бойынша салтанатты отшашумен аяқталады. Оны қаланың бірнеше бөлігінен, атап айтқанда Есіл өзенінің жағасынан, «Хан Шатыр» сауда, ойын-сауық орталығы алаңынан және Абылай хан даңғылы мен Пушкин көшесінің қиылысындағы саябақтан көруге болады. Талғат Райымбек. Дерек: astana.gov.kz. Сурет: el.kz.