Бүгін қасиетті рамазан айы басталды

АСТАНА. 18 маусым. Бүгін қасиетті рамазан айы басталды. Биыл мұсылман жамағаты 29 күн ауыз бекітеді. Бұл туралы muftyat.kz сайтына cілтеме жасаған egemen.kz хабарлады. Мың айдан қайырлы қадір түні 13 шілдеден 14-іне қараған түнге сәйкес келеді. Ал айт намазы 17 шілдеде оқылады. Астанада сағат 06:30-да оқылса, өзге өңірлерде жергілікті имамдар тағайындаған уақытта өтеледі. Сондай-ақ, биылғы пітір садақаның жан басына 200 теңгеден бекітілгенін айта кетейік. Пітір садақаны рамазан айының алғашқы күнінен бастап айт намазына дейін беруге болады. Тағы бір ескерер жайт, биыл біздің еліміз үшін ауыз бекіту уақыты ең ұзақ болып саналады. Яғни, ораза тұтқан жандар 18-19 сағат бойы Алла ризалығы үшін нәр татпайды. Жалпы, ораза тек ішіп-жеуден емес, сондай-ақ, нәпсі қалауларынан да тыйылу екені белгілі. Еламан Қоңыр. Дерек: egemen.kz. Сурет: muslim.kz.