Әскерилердің айтуынша, Орал қаласындағы «Зенит» зауытында жасалған «Сарыарқа» зымыран-артиллериялық кемесінің заманауи қару-жарақ және навигация жүйесімен жарақтандырылуы Әскери-теңіз күштері флагмандарының біріне Каспий теңізінің қазақстандық секторының акваториясын қорғау жөніндегі міндеттерді ойдағыдай шешуге мүмкіндік береді.
– «Сарыарқа» кемесінің технологиялық мүмкіндіктері және жеке құрамды даярлаудың жоғары деңгейі абыройлы қызметтің маңызды құрамдас бөлігі болып табылады. Кеме экипажы ел аумағында да, одан тыс жерлерде де өткізілген оқу-жаттығуларға қатысып, халықаралық Армия ойындарының бірнеше дүркін жүлдегері болды, дейді «Сарыарқа» зымыран-артиллериялық кемесінің командирі 3-дәрежелі капитан Дамир Матаев.
Кеме бортында Әскери-теңіз күштерінің дамуына елеулі үлес қосқан жүздеген әскери қызметші даярлықтан өтті. Сондай-ақ «Сарыарқа» зымыран-артиллериялық
кемесін жасау елдің қорғаныс қабілетін нығайту жөніндегі ауқымды бағдарламаның бір бөлігіне айналған. Кәсіпқойлықтың жоғары деңгейі және әскери теңізшілердің жанқиярлық қызметі әскери командаға дивизион құрамындағы ең жақсы әртекті кемелердің бірі мәртебесін берді.
Қауіпсіз қорғанысқа қуатты құрал-жабдық керек десек, әскери теңізшілердің оң бағасына ие болған «Сарыарқа» зымыран-артиллериялық кемесі теңіз бетінде өзінің екінші онжылдығының ізін салып бастады.
Маңғыстау облысы
