Атырауда 4,6 млрд. теңгенің мүлігі заңдастырылды

АТЫРАУ. 19 маусым. Атырау облысында 9 айда 4,6 млрд. теңгенің мүлігі заңдастырылды. Бұл туралы egemen.kz тілшісі хабарлады. Ел аумағында мүлікті жария ету басталғалы бергі 9 айда Атырау тұрғындарынан 648 арыз түсіпті. Мемлекеттік кіріс департаменті басшысының орынбасары А.Рзағұлованың мәлім етуінше, Атырау облысында 15 маусымға дейін 545 арыз бойынша 4,6 млрд. теңгенің мүлігі заңдастырылды. Ал 42 арыз ұсынылған құжаттардың толық болмағандығына байланысты кері қайтарылып отыр. «Сонымен бірге, атыраулық бір тұрғынның Қазақстан Республикасы аумағынан тыс жерде орналасқан бір мүлігі жарияланды. Оның құны 5,1 млн. теңгені құрайды», – деді мемлекеттік кіріс департаменті басшысының орынбасары А.Рзағұлова. Жолдасбек Шөпеғұл. Дерек: Атырау облыстық мемлекеттік кіріс департаменті. Сурет: gazeta.kz.