Мұратымыз – Мәңгілік Ел

Аманжол ОҢҒАРБАЕВ, облыстық мәслихаттың депутаты, «Сыр медиа» ЖШС бас директоры. Елбасы ұлықтау рәсімінде сөйлеген сө­зін­де халыққа Ұлттық Жоспар ұсыны­ла­ты­нын мәлімдеді. Ол үшін арнайы комис­­сия да құрылды. Ендігі жерде мемле­кет шаруасы осы Жоспар бойынша түзілмек. Бұл ретте барша қазақстандықтарға артылатын жүктің жауапкершілігі зор болатынын сеземіз. Өйткені, Елбасының өзі «Кейінгі ұрпаққа кемел Қазақстанды табыстау – баршамызға ортақ парыз. Жаңа ғасырдың сын-қатерлеріне төтеп беріп, дамыған елдердің қатарына қосылу – ортақ жауапкершілік. Біз ұрпаққа көр­­­­кейген елді, нығайған бірлікті, мызғымас тұрақтылық пен еселенген байлықты мирас етеміз», деді. Осының өзінен-ақ бүгінгі ұрпақтың мойынына жүктелген жауапкершілігін сезінуге болады. «Біздің қоғамымыздың көптүрлілігі – біздің әлсіздігіміз емес, күшіміз. Барлық азаматтар құқықтың бірдей көлемін пайдаланып, жауапкершіліктің бірдей жүгін арқалап және түрлі мүмкіндіктерге бірдей қол жеткізуі тиіс. Біздің қоғамымыз неғұрлым қуатты және біртұтас бола отырып, тарихи тұрғыда көптеген тілдерден және мәдениеттерден қалыптасты. Бүгінде бізді Мәңгілік Ел құндылықтары: азаматтық теңдік, еңбексүйгіштік, адалдық, оқымыстылық культі, толеранттылық, шын берілгендік пен патриотизм бірік­тіреді. «Егер алдағы бір жылды ойласаңдар – астық өсіріңдер; егер алдағы жүз жылды ойласаңдар – ағаш өсіріңдер; егер мәң­гілікті ойласаңдар – Адамды тәрбиелең­дер» деген біздің ата-бабалары­мыз. Мәңгілік Ел құндылықтары біздің бақуатты болашағымызға бағдарлама болады. Сондықтан біз елдің бірлігі мен топтас­қандығы үшін одан әрі де өзіміздің ортақ азаматтық біртектілігімізді нығайтуымыз керек», деген Елбасы мемлекетте жасалатын реформалар­ды айтты. Бұл Қазақстанды алға жетелейтін, әлемдік дамудан қалыс қалдыр­майтын, мықтылар­мен теңестіретін, білімділермен жарыстыратын, білектілермен иық қағыстыратын, ұлтымызды ұшпаққа шығаратын реформалық өзгерістер болмақ. Сол себепті біздің алдымызда Елбасы қойған талап­тардың үдесінен шығу міндеті тұр. Қызылорда облысы.