Фото: egemen.kz/Ерлан Омар
Министрліктің мәліметінше, өтініштерді қабылдау биыл бес ай бойы 31 тамызды қоса алғанға дейін жалғасады. Биыл болжам бойынша мектеп табалдырығын 370 мыңнан астам бала аттайды.
«Алғашқы үш күнде 24 мыңға жуық өтініш келіп түсті. Ең үлкен белсенділік Астана мен Түркістан облысында байқалуда. Ата-аналардың шамамен 70 пайызы мемлекеттік тілде оқытуды таңдады», делінген ҚР Оқу-ағарту министрлігінің Орта білім комитетінің хабарламасында.
Өтінішті онлайн eGov.kz электрондық үкімет порталы арқылы немесе eGov Mobile мобильді қосымшасы, сондай-ақ қағаз түрінде-тікелей мектепте беруге болады. Өтінімдер демалыс және мереке күндерін қоспағанда, дүйсенбіден жұмаға дейін қабылданады.
